Bakı Ali Neft Məktəbində “İlin tələbəsi” olmuş məzun Mançester Universitetində təhsil alacaq

Bakı Ali Neft Məktəbinin (BANM) məzunu İsmayıl Məmmədzadə Böyük Britaniyanın Mançester Universitetində Kompüter elmləri ixtisası üzrə magistratura təhsilinə başlayacaq.

presstvaz xəbər verir ki, o, daha əvvəl İnformatika üzrə Respublika Fənn Olimpiadasında bürünc medal qazanaraq Bakı Ali Neft Məktəbinə müsabiqədənkənar qəbul olub.

“WorldSkills 2021” müsabiqəsində proqramlaşdırma sahəsində II yer qazanıb. “PASHA Hackathon”, “Pasha Insurance Hackathon”, “Huawei TransitHack”, “Junction X Baku” kimi nüfuzlu yarışların qalibi olub.

Həmçinin, Avropanın ən böyük “Hackathon” tədbiri olan Helsinkidəki “Junction Europe”da ölkəmizi uğurla təmsil edərək öz kateqoriyasında qalib gəlib.

Artıq 3 illik iş təcrübəsi olan İsmayıl bir çox dövlət və özəl qurumların proqram təminatı layihələrində iştirak edib. Hazırda “Digital Research Lab”da proqramçı olaraq çalışır.

İnformasiya Təhlükəsizliyi ixtisası üzrə 96.5 ortalama bal və fərqlənmə diplomu ilə məzun olan İsmayıl Məmmədzadə BANM-ın Fəxri Kötüyünə adını yazdırıb.

Qeyd edək ki, o, 2020-ci ilin qəbul imtahanlarında 674 bal toplayıb.