Rusiya Xarici İşlər Nazirliyi Azərbaycan səfirinə nota təqdim edib

Rusiya Xarici İşlər Nazirliyi Azərbaycanın Rusiyadakı səfiri Rəhman Mustafayevə şifahi nota təqdim edib.

presstvaz Rusiya XİN-in saytına istinadən xəbər verir ki, notada rusiyalı jurnalistlərin dərhal azad olunması tələb olunur.

11:39

Rusiyanın Xarici İşlər Nazirliyinə çağırılan Azərbaycanın Moskvadakı səfiri Rəhman Mustafayev nazirliyin binasını tərk edib.

presstvaz xəbər verir ki, bu barədə TASS-ın müxbiri məlumat yayıb.

Bildirilib ki, səfir Smolensk meydanındakı nazirlik binasında təxminən bir saat qalıb və jurnalistlərə heç bir şərh vermədən oranı tərk edib.

10:35

Azərbaycanın Moskvadakı səfiri Rəhman Mustafayev Rusiya Xarici İşlər Nazirliyinə çağırılıb.

presstvaz bu barədə TASS-a istinadla xəbər verir.

Bildirilir ki, səfir Smolensk meydanındakı nazirlik binasına gedib və jurnalistlərə heç bir açıqlama vermədən içəri keçib.

Qeyd edək ki, bir gün əvvəl Rusiya XİN-dən bildirilib ki, Mustafayev Bakının “qeyri-dost” hərəkətləri və Rusiya jurnalistlərinin qanunsuz saxlanılması ilə əlaqədar çağırılıb.