KİV: “İran İsrailə qarşı hücumda “Qadr” və “Fattah-1″ ballistik raketlərindən istifadə edib”

Bu gün səhər saatlarında İran İsrailə qarşı hücum zamanı “Kheibar Shekan”, “Emad”, “Qadr” və “Fattah-1” ballistik raketlərini tətbiq edib.

presstvaz xəbər verir ki, bu barədə “Fars” agentliyi məlumat yayıb.

Eyni zamanda, İslam İnqilabı Keşikçiləri Korpusu (SEPAH) bəyan edib ki, İran İsrail ərazisini şimaldan cənuba qədər raket və kamikadze dronlarla vurub.

Bildirilir ki, hücum nəticəsində Təl-Əviv, Hayfa, Aşkelon, Aşdod, Akko, Tsfat və digər İsrail şəhərləri hədəfə alınıb.

13:06

İsrail Müdafiə Ordusu (SAXAL) İran ərazisindən İsrail istiqamətinə daha bir raket buraxılışını qeydə alıb.

presstvaz-ın məlumatına görə, bu barədə ordunun Mətbuat Xidməti məlumat yayıb.

Bildirilib ki, təhlükənin qarşısının alınması üçün müdafiə tədbirləri görülür.

İsrailin şimal bölgələrinin bəzilərində hava həyəcanı siqnalı verilib.

11:59

İrandan İsrail ərazisinə növbəti raket zərbələri endirilib.

presstvaz-ın xəbərinə görə, bu barədə İsrail Müdafiə Qüvvələri (IDF – SAXAL) məlumat yayıb.

“İsrail hərbçiləri təhdidin qarşısını almağa çalışırlar”, – SAXAL-ın məlumatında qeyd olunur.

İsrailin şimalında yerləşən bəzi bölgələrdə hava hücumu xəbərdarlığının verildiyi bildirilir.

08:17

Səhər saatlarında İran yenidən İsrailə raket hücumu həyata keçirib.

presstvaz xəbər verir ki, bu barədə İsrail Müdafiə Ordusu (SAXAL) məlumat yayıb.

“Az əvvəl İsrail Müdafiə Qüvvələri İrandan İsrail Dövləti ərazisinə doğru raket atdığını aşkar edib. Müdafiə sistemləri təhlükənin qarşısını almaq üçün çalışır”, – deyə məlumatda qeyd edilib.