Rusiyanın İranla bağlı təklifi İsrailə nə vəd edir?

İsrailin İran ərazisinə endirdiyi zərbələrdən sonra bölgədə gərginlik ciddi şəkildə artıb. Bu fonda Kremldən maraqlı bir təklif təqdim olunub: Rusiya İran və İsrail arasında vasitəçi olmağa hazır olduğunu bildirib. Təklifin əsas məğzi budur ki, Moskva İranın zənginləşdirilmiş uranını qəbul etməyə, onu mülki reaktorlar üçün enerji məqsədli yanacağa çevirməyə və nəticə etibarilə İranın nüvə proqramı ilə bağlı beynəlxalq narahatlıqları azaltmağa razıdır.

presstvaz-ın verdiyi məlumata görə, bu barədə Türkiyənin nüfuzlu “Haber Global” kanalının hazırladığı süjetdə bildirilir.

Qeyd edilib ki, bu cür mexanizm əslində gərginliyin azaldılmasına real töhfə verə bilər. Çünki təklif İranın mübahisəli zənginləşdirilmiş uran ehtiyatını aradan qaldırmaq məqsədi daşıyır. Beləliklə, İsrailin “nüvə təhlükəsi” arqumenti zəifləyər və diplomatik danışıqlar üçün imkanlar yarana bilər.

Lakin burada əhəmiyyətli sual yaranır: bu təşəbbüsün məqsədi həqiqətən gərginliyi azaltmaqdırmı?

Hazırda İsrail üçün yaranan fürsət – yəni İranı bu qədər rahat şəkildə hərbi hədəfə almaq imkanı asanlıqla əlindən verəcəyi bir fürsət deyil.

“Təsəvvür edin ki, Rusiya İran və ABŞ arasında vasitəçilik etdiyi bir ssenari gerçəkləşir. Belə bir halda qarşıdurma sona çatar və İranın nüvə fəaliyyəti bir anda gündəmdən çıxar. Regionda yeni bir sakit mühit formalaşar və Rusiyanın daha çox daxil olduğu bir İran mənzərəsi ortaya çıxar.

Bu ssenaridə İran yenidən bölgəyə inteqrasiya olunmağa başlayar, daha “idarəolunan” bir İran rejimi formalaşar, ölkə yeni beynəlxalq münasibətlər qurmağa başlayar və iqtisadi fəaliyyəti davam edər. Bu da İranda mövcud rejimin və dövlət aparatının güclənməsi üçün yeni fürsətlər yaradar.

Əlbəttə, prosesin gələcəkdə hara yönələcəyini indidən söyləmək çətindir. Amma məlum olan budur ki, bu vasitəçilik prosesində birbaşa rol alan tərəf Rusiyanın özü olacaq və zənginləşdirilmiş uranı da məhz o qəbul edəcək”, – deyə politoloq Muhammed Çağrı Bilir vəziyyəti şərh edib.

Ətraflı süjetdə: