Dünyanın ən hündür qadını təyyarədə altı oturacaqda səyahət edir

Dünyanın ən hündür qadını uçuşlar zamanı təxminən altı aviabilet üçün ödəniş etməli olduğunu açıqlayıb.

presstvaz xəbər verir ki bu barədə “Daily Mail” nəşri yazıb.

Məlumata görə, söhbət 215 santimetr boyu olan Rumeysa Gelgidən gedir. Ginnes rekordunun sahibi üçün təyyarədə, avtomobildə və ya hər hansı digər nəqliyyat vasitəsində səyahət etmək elə də asan iş deyil.

Nəşrin yazdığına görə, Türkiyədə yaşayan Rumeysa adətən əlil arabasında və ya xüsusi əsanın köməyi ilə hərəkət edir. Onun hündür boyu Uiver sindromu adlı nadir xəstəliyin nəticəsidir ki, bu da digər şeylərlə yanaşı, sürətlənmiş böyüməyə səbəb olur.

Rumeysa Türk Hava Yolları sayəsində dünyanı gəzə bilir: “Turkish Airlines” aviaşirkəti öz təyyarələrindən birində altı oturacağı söküb və xüsusi hazırlanmış xərək quraşdırıb. Qız adi təyyarə oturacaqlarında otura bilmədiyi üçün onu xərəkdə göyərtəyə qaldırırlar və bütün uçuşu uzanaraq keçirir. O həmçinin tibb işçiləri ilə görüşmək üçün uçuşdan dörd saat əvvəl hava limanına gəlməli və xərəyin tutduğu yerin pulunu ödəməlidir ki, bu da adətən altı stula bərabərdir.

KİV-in məlumatına görə, frilans-tərtibatçı ildə ən azı bir dəfə aviauçuş həyata keçirir. Gələcəkdə qız Tokio, Kioto, Şanxay və Seul kimi şəhərləri ziyarət etmək istəyir.