Ən güclü və etibarlı 10 avtomobil açıqlandı

2022-ci il buraxılışlı “Chevrolet Corvette” ən güclü və etibarlı avtomobillər siyahısına başçılıq edir.

presstvaz bildirir ki, bu barədə “HotCars” portalı məlumat verib.

Məlumata görə, portalın ekspertləri müxtəlif analitik şirkətlərin, o cümlədən “J.D.Power” və “RepairPal”ın məlumatlarından istifadə etməklə, etibarlılıq, texniki xidmət, geri çağırma kampaniyaları və sahiblərin rəyləri ilə bağlı məlumatları təhlil ediblər. “J.D.Power” mütəxəssisləri “Chevrolet Corvette”in etibarlılığını 100 mümkün baldan 93 balla qiymətləndiriblər.

Etibarlılıq reytinqində ikinci yeri 100 baldan 88 bal ilə 2020-ci il buraxılışlı “Chevrolet Camaro” tutub. 2020-ci il modeli olan “Ford Mustang GT” avtomobili etibarlılıq reytinqində 100-dən 87 balla ilk üçlüyü tamamlayıb.

Daha sonra 2014-cü ilin “Hyundai Genesis Coupe”, 2010-cu ilin “Mazda MX-5 Miata”, 2016-cı ilin “Dodge Challenger”, 2020-ci ilin “Subaru WRX”, 2007-ci ilin “Porsche 911”, 2008-ci ilin “Nissan 350Z” və 2024-cü ilin “Type S Acura” avtomobilləri gəlir.