Qərbi Avropada son 70 ildə ən böyük difteriya epidemiyasının səbəbi məlum oldu

Paster İnstitutunun alimləri və “Sante publique France”ın epidemioloqları belə qənaətə gəliblər ki, Qərbi Avropada son 70 ildə ən böyük difteriya epidemiyası miqrantların getdikləri yol boyunca olduqları ölkələrdə başlayıb.

presstvaz xəbər verir ki, tədqiqatın nəticələri “New England Journal of Medicine” (NEJM) jurnalında dərc edilib.

Tədqiqat Avropanın 10 ölkəsində aparılıb və nəticədə 360-dan çox yoluxma halı müəyyən edilib. Jurnalın məlumatına görə, xəstələrin demək olar ki, hamısı orta hesabla 18 yaşındakı kişilərdir və onların 96%-i yeni gələn miqrantlar olub.

Mütəxəssislərin fikrincə, infeksiyanın əsas təzahür forması dəridə biruzə verib – 77%, daha ağır hallarda tənəffüs çətinliyi müşahidə edilib – təxminən 15%.

Genetik analiz aparılıb ki, bu zaman “Corynebacterium diphtheriae” bakteriyasının ştammları arasında yüksək dərəcədə oxşarlıq aşkar edilib. Bakteriyaların aşkar edilməsi halları xəstələrin mənşə ölkəsindən asılı olmayıb, bu, onların eyni yerlərdə, – çox güman ki, miqrasiya yolları boyunca və ya getdikləri yerlərdə yoluxduğunu göstərir. Əvvəllər epidemiyanın Əfqanıstan və ya Suriyada başladığı hesab olunurdu ki, yoluxma hallarının əksəriyyəti də burada baş verib.