PSJ-nin sabiq futbolçusu “Neftçi” ilə danışıqlar üçün Bakıya gəlib

“Neftçi” yeni mövsüm üçün ilk transferini reallaşdırmağa yaxındır.

presstvaz Futbolxeber.az-a istinadən xəbər verir ki, “ağ-qaralar”ın heyətinə qatmaq istədiyi Sessi D Almeyda artıq Bakıdadır.

29 yaşlı futbolçu artıq tibbi müayinədən də uğurla keçib. Onun qarşıdakı saatlarda rəsmi müqaviləyə imza atacağı gözlənilir.

Qeyd edək ki, tam adı Sessi Oktave Emile D Almeida olan yarımmüdafiəçi Bordoda dünyaya gəlib. Futbolda ilk addımlarını da şəhərin eyniadlı komandasında atıb. “Bordo”nun əsas heyətində üç matça çıxan D Almeyda 2015-ci ildə PSJ-yə transfer olunsa da, burada möhkəmlənə bilməyib.

Daha sonra “Börnli”, “Blekpul”, “Yeovil” (hamısı İngiltərə), “Valensienn” (Fransa), “Tondela” (Portuqaliya), “Pau FC” (Fransa) kimi komandalarda çıxış edib. 29 yaşlı futbolçunun son klubu “Apollon Limassol” olub.

Həm Fransa, həm də Benin pasportuna malik olan futbolçu 2015-ci ildən Afrika təmsilçisinin yığmasında çıxış edir. O, Benin millisində 34 matçda bir qol vurub.