Kolumbiyada neft kəmərində terror aktı baş verib

Naməlum şəxslər Kolumbiyanın Arauka departamentində Bisentenario neft kəmərində terror aktı həyata keçiriblər.

presstvaz-ın məlumatına görə, bu barədə neft-qaz şirkəti “Ecopetrol”un törəmə şirkəti olan “Cenit”in Mətbuat Xidməti məlumat yayıb.

Məlumatda qeyd olunur ki, “Cenit” Arauka departamentinin Fortul bələdiyyəsinin kənd ərazisində yerləşən Palmarito rayonunda boru kəmərindəki sızıntıya qarşı fövqəladə tədbirlər və cavab planını aktivləşdirib.

Şirkətin məlumatına görə, Kolumbiyanın milli ordusu texniki mütəxəssislərin girişi üçün ərazinin təhlükəsizliyini təmin edir.

Yerli sakinləri təmir işləri başa çatanadək hadisə yerinə yaxınlaşmamağa, həmçinin Karanal çayının suyundan istifadə etməməyə çağırıblar.

“Fövqəladə hadisə nəticəsində Karanal çayının suları neftlə çirklənib və Fortul bələdiyyəsinin kənd ərazisində yerləşən Palmarito kəndinin sakinlərinə bu əraziyə yaxınlaşmamaq tövsiyə olunub”, – KİV yazır.

Çayın su sahəsi bir neçə kilometr məsafədə yağlı boya ilə örtülüb.