P.Diddi həbsxanada olarkən nə qədər qazanıb?

Ötən ilin sentyabrından çox sayda ittihamla həbs olunduqdan sonra P.Diddi (Şon Kombs) 4 milyon dollardan çox pul qazanıb.

presstvaz xəbər verir ki, bu barədə “The US Sun” nəşri məlumat verib.

Qeyd olunub ki, sənətçinin əsas gəlir mənbəyi icarəyə verdiyi şəxsi təyyarəsi olub. Məqalədə iddia edilir ki, Kombs 60 milyon dollarlıq “Gulfstream G550” şəxsi təyyarəsini icarəçilərə mülkiyyət hüququ barədə məlumat vermədən “Silver Air” şirkəti vasitəsilə icarəyə verib. P.Diddinin həbs edildiyi vaxtdan mayın 20-dək təyyarə ən azı 126 uçuş həyata keçirib, 149 540 millik məsafə qət edib ki, bu da altıdan çox dünya turuna bərabərdir. “Jettly” saytının məlumatına görə, reysin qiyməti hər uçuş üçün təxminən 32 597 dollar təşkil edib.

Daha əvvəl müğənni məhkəmə zamanı təyyarəni 50 milyon dollarlıq girov kimi istifadə etməyi təklif etsə də, hakim bu təklifi rədd edib.

Xatırladaq ki, P.Diddi Nyu-Yorkda altı nəfərin cinsi təcavüz və təcavüz iddiası ilə məhkəməyə müraciətindən sonra həbs edilmişdi. Daha sonra keçmiş sevgilisi onu insan alverində və zorakılıqda ittiham edib. Sənətçi həmçinin, reketçilikdə də ittiham olunub. Əsas ittihamçılardan biri olan Kessi Ventura may ayında keçirilən məhkəmə prosesində ifadə verib.