Bakıda yaşayış binasında YANĞIN

Bakı şəhəri, Nərimanov rayonunda yaşayış binasında yanğın baş verib.

presstvaz xəbər verir ki, bu barədə Fövqəladə Hallar Nazirliyi (FHN) məlumat yayıb.

Qeyd olunub ki, nazirliyinin “112” qaynar telefon xəttinə Bakı şəhərinin Nərimanov rayonu, F.Yusifov küçəsində yanğın baş verməsi barədə məlumat daxil olub.

“Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Yanğınsöndürənlər tərəfindən həyata keçirilən zəruri və təxirəsalınmaz tədbirlər sayəsində ikimərtəbəli yaşayış binasında baş vermiş yanğın genişlənməsinə, o cümlədən binaya yayılmasına imkan verilmədən qısa müddətdə söndürülüb.

Yanğın nəticəsində ümumilikdə 8 mənzilin yerləşdiyi ikimərtəbəli binanın birinci mərtəbəsində ümumi sahəsi 98 kvadratmetr olan mənzilin eyvanı 15 kvadratmetr sahədə, ikinci mərtəbəsində ümumi sahəsi 40 kvadratmetr olan mənzilin artırması 30 kvadratmetr sahədə və 5 ədəd şam ağacı yanıb.

Binanın böyük hissəsi və ətrafdakı digər ağaclar yanğından mühafizə olunub”, – məlumatda qeyd olunub.

18:45

Bakı şəhəri, Nərimanov rayonunda yaşayış binasında baş verən yanğın söndürülüb.

presstvaz bu barədə APA-ya istinadən xəbər verir.

Bildirilib ki, yanğın qısa müddətdə söndürülüb.

18:22

Bakı şəhəri, Nərimanov rayonunda yaşayış binasında yanğın başlayıb.

presstvaz APA-ya istinadla xəbər verir ki, hadisə Nazim Hacıyev küçəsində qeydə alınıb.

Dərhal Fövqəladə Hallar Nazirliyinin Dövlət Yanğından Mühafizə Xidmətinin qüvvələri əraziyə cəlb olunublar.