Tacikistan fondlarında saxlanılan Azərbaycan əlyazmaları rəqəmsallaşdırılacaq

“Azərbaycan və Tacikistan Milli Kitabxanaları arasında imzalanmış Memorandumun əsas xüsusiyyətlərindən biri, Tacikistan Milli Kitabxanasının fondlarında Azərbaycan klassik ədəbiyyatına məxsus qiymətli əlyazmaların mövcudluğudur”.

presstvaz bildirir ki, bununla baglı  Oxu.az-ın  Düşənbəyə ezam olunmuş müxbirinin verdiyi məlumata əsasən, bu barədə Azərbaycan Milli Kitabxanasının direktoru Kərim Tahirov jurnalistlərə açıqlamasında deyib.

“Məhz bu amili nəzərə alaraq, sənədə xüsusi bir bənd əlavə etmişik. Həmin bəndə əsasən, adıçəkilən əlyazmaların rəqəmsal surətlərinin Azərbaycan tərəfinə təqdim olunması və eyni zamanda, yerli mütəxəssislərimizin və alimlərimizin Tacikistanda tədqiqat fəaliyyəti aparması üçün müvafiq şəraitin yaradılması nəzərdə tutulur.

Bundan əlavə, tərəflər qarşılıqlı razılıq əsasında 2025 və 2026-cı illərdə hər iki ölkədə tanınmış yazıçıların yubiley tədbirlərinin keçirilməsi barədə razılığa gəliblər. Belə ki, Azərbaycanın görkəmli şairi Bəxtiyar Vahabzadənin anadan olmasının 100 illik yubileyi Tacikistanda qeyd olunacaq, Tacikistan isə öz milli ədəbiyyatının nümayəndələrindən birinin yubileyini təşkil edəcək.

Qeyd edək ki, Azərbaycan Milli Kitabxanası indiyədək 19 xarici ölkədə analoji ədəbiyyat guşələrinin yaradılmasına nail olmuşdur və bu istiqamətdə fəaliyyətini davam etdirmək niyyətindədir”, – deyə K.Tahirov qeyd edib.

>