İcra başçısının müavini vəzifəsindən azad edilməsinin SƏBƏBİNİ AÇIQLADI: “Yıxılmışam”

İmişli Rayon İcra Hakimiyyəti başçısının müavini Ruslan Məmmədov (Eldaroğlu) vəzifəsindən azad edilib.

presstvaz bildirir ki, Oxu.Az-a açıqlamasında Ruslan Məmmədov faktı təsdiqləyib.

O bildirib ki, işdən ayrılmasına səbəb səhhətində yaranan problem olub.

“Mən iki ay əvvəl öz ərizəmlə, qarşılıqlı razılıq əsasında işdən azad olunmuşam. Səbəb səhhətimdə yaranan problemlərlə bağlıdır. Yıxıldığım üçün çanaq sümüyümdə çat yaranıb, bundan əlavə boyun nahiyəmdə yırtıq var. O səbəbdən iki gün sonra, mayın 16-da əməliyyat olunacağam. Hazırda da xəstəxanada müalicə və müayinələrim davam edir”, – deyə R.Məmmədov bildirib.

R.Məmmədov başqa vəzifəyə təyin olunması məsələsinə münasibət bildirib:

“Heç yerə təyin olunmamışam, heç yerdə işləmirəm. Dediyim kimi neçə vaxtdır ancaq səhhətimlə məşğulam”.

Qeyd edək ki, Ruslan Məmmədov 2024-cü ilin may ayında İmişli Rayon İcra Hakimiyyəti başçısının müavini – Sоsial-iqtisadi inkişafın təhlili və proqnozlaşdırılması şöbəsinin müdiri vəzifəsinə təyin olunmuşdu.