Bir ailənin üç üzvü dəm qazından zəhərləndi – Son vəziyyətləri AÇIQLANDI

Daşkəsəndə dəm qazından zəhərlənən bir ailənin üç üzvünün son vəziyyəti açıqlanıb.

presstvaz-ın xəbərinə görə bu barədə, Tibbi Ərazi Bölmələrini İdarəetmə Birliyindən (TƏBİB) Oxu.az-ın sorğusuna cavab olaraq bildirilib ki, 14 may, saat 00:30-da üç nəfər (biri qadın, ikisi kişi cinsli olmaqla) dəm qazından zəhərlənmə şübhəsilə Daşkəsən Rayon Mərkəzi Xəstəxanasının Təcili tibbi yardım şöbəsinə hospitalizasiya edilib.

“1986, 1990 və 2017-ci il təvəllüdlü şəxslərə dəm qazının toksik təsiri diaqnozu təyin edilib və onların hər birinə zəruri tibbi yardım göstərilib.

Vəziyyətləri kafi qiymətləndirildiyindən onların hər biri ambulator müalicə üçün evə buraxılıblar”, – deyə məlumatda bildirilib.

Əzizə İsmayılova

08:23

Daşkəsəndə bir ailənin üç üzvü dəm qazından zəhərlənib.

presstvaz xəbər verir ki, 39 yaşlı Elvin Əliyev, onun həyat yoldaşı 35 yaşlı Aygün Əliyeva və 8 yaşlı övladları yaşadıqları evdə dəm qazından zəhərlənərək xəstəxanaya yerləşdiriliblər.

Faktla bağlı araşdırma aparılır.