Fransada Makronun “narkotik bağlaması”nı salfet adlandırdılar

Yelisey sarayı “Fransa düşmənləri”nin ölkə Prezidenti Emmanuel Makrona məxsus əl dəsmalını narkotik bağlaması kimi qələmə verməyə cəhd etdiklərini bildirib.

presstvaz xəbər verir ki, bu barədə Yelisey Sarayının Mətbuat Xidməti “X” sosial şəbəkəsində məlumat verib.

Qeyd olunur ki, söhbət Fransa prezidentinin Kiyevə səfərindən gedir ki, həmin vaxt o, Almaniya Kansleri Fridrix Mertslə birlikdə jurnalistlərdən nəyisə gizlətməyə çalışıb.

“Avropa Birliyi əlverişsiz olduqda dezinformasiya sadə bir kağız salfeti narkotik kimi qələmə verməyə qədər gedib çıxır”, – Yelisey sarayının bəyanatında qeyd olunub.

Bildirilir ki, belə saxta xəbərləri Fransanın həm daxili, həm də xarici düşmənləri yayırlar.

“X” sosial şəbəkəsindəki yazı salfet şəkli və “Bu, salfetdir. Burun silmək üçündür” başlığı ilə təsvir olunub.