Dubay şokoladının tərkibində elə gizli maddə var ki…

Son dövrlərdə sosial şəbəkələrdə populyarlıq qazanan Dubay şokoladı yalnız dadı ilə deyil, təhlükəli tərkibi ilə də gündəmə gəlib. Parıltılı qablaşdırması və dəbdəbəli təqdimatı ilə diqqət çəkən bu məhsulun arxasında sağlamlığa ciddi zərər verə biləcək gizli təhlükələr dayanır. 

presstvaz xəbər verir ki, bu dəfə adı çəkilən məhsulun tərkibində insan sağlamlığı üçün təhlükəli maddələrə rast gəlinib. Məlum olub ki, parlaq və cazibədar görünüşünün əksinə olaraq bu şokolad mikroskop altında ciddi təhlükə mənbəyi kimi görünür.

Almaniyalı tədqiqatçıların apardığı analizlər nəticəsində Dubayda istehsal olunan bu şirniyyatlarda xərçəngə səbəb ola biləcək toksik maddələr və istifadəsi qadağan olunan kimyəvi əlavələr müəyyən edilib. Araşdırma göstərib ki, şokoladın tərkibində orqanik püstə əvəzinə süni rəngləndiricilər, ucuz kakao-yağ əvəzediciləri və aflatoksin adlı zəhərli birləşmələrdən istifadə olunub.

Mütəxəssislərin vurğuladığına görə, aflatoksinlər nə dad, nə qoxu verir, nə də bişirmə zamanı təsirsiz hala gəlir. Onlar az miqdarda qəbul edilsə belə, güclü zəhərlənməyə yol aça bilər. Bu maddələrin davamlı şəkildə orqanizmə daxil olması qaraciyər hüceyrələrini zədələyir və nəticədə qaraciyər xərçənginin yaranma riskini əhəmiyyətli dərəcədə artırır. /milli.az