İdman zallarına tələbat artır: Qiymətlər necə dəyişib?

Yay fəsli yaxınlaşdıqca, idman zallarına maraq da artır. Bəziləri arzuladıqları çəkiyə çatmaq və sağlam bədən quruluşuna sahib olmaq, digərləri isə qarşıdan gələn idman yarışlarına hazırlaşmaq üçün zallara üz tuturlar.

presstvaz Xəzər TV-yə istinadən məlumat verir ki, hazırda idman zallarında məşq qiymətləri əraziyə və şəraitə görə ciddi fərqlənir. Paytaxtın mərkəzində yerləşən zallarda bir aylıq üzvlük 300 manatdan başlayır, bəzən isə 450 manata qədər yüksəlir. Mərkəzdən kənarda isə qiymətlər 25-60 manat aralığında dəyişir.

Məsələn, bəzi zallarda bir giriş üçün ödəniş 4 manat, limitsiz aylıq məşq qiyməti isə 35 manatdır. 12 giriş üçün nəzərdə tutulmuş aylıq paketlər 30-40 manat arasında dəyişə bilər. Həftədə iki dəfə zala gəlmək istəyənlər üçün 20 manatlıq 8 girişli paketlər də təklif olunur.

Mütəxəssislərin sözlərinə görə, ötən illə müqayisədə bu il qiymətlər təxminən 20-30 faiz artıb. Qış fəslinə nisbətən yaz-yay aylarında qiymətlər 10 faizədək yüksəlir ki, bu da artan tələbatla bağlıdır.

Qiymətlərin formalaşmasına zalda mövcud olan avadanlıqların səviyyəsi, obyektin yerləşdiyi ərazi və ümumi maraq birbaşa təsir göstərir. Əlavə olaraq, fərdi məşqçi ilə məşqlər seçildikdə aylıq ödənişlər bir qədər də artır.

Ətraflı süjetdə: