“Şakir Paşa Ailəsi: Möcüzələr və qalmaqallar” serialı ilə bağlı MÜƏMMA: Daha bir faciə baş verdi

Türkiyənin məşhur “Şakir Paşa Ailəsi: Möcüzələr və qalmaqallar” serialının çəkildiyi tarixi iqamətgahda dəhşətli yanğın baş verib. Faciə zamanı çəkiliş qrupunun üzvlərindən biri alovlara müdaxilə edərkən, tüstüdən zəhərlənərək dünyasını dəyişib.

presstvaz bu barədə “Haber Global”a istinadla xəbər verir.

Bildirilib ki, hadisə yerinə çağırılan həkimlərin bütün səylərinə baxmayaraq, işçini xilas etmək mümkün olmayıb. Bu ağır itki ilə əlaqədar olaraq, serialın çəkilişləri müvəqqəti dayandırılıb.

İlkin məlumatlara görə, yanğının hansı səbəbdən başladığı hələ ki, məlum deyil.

Lakin bu, “Şakir Paşa” serialının çəkiliş meydançalarında baş verən ilk bədbəxt hadisə deyil. Belə ki, bir müddət əvvəl Kartaldakı meydançada baş verən yanğında serialın Böyükadadakı köşkünü təmsil edən 1200 kvadratmetrlik nəhəng dekor tamamilə kül olmuşdu.

Qeyd edək ki, serial 1912-ci ildə Osmanlı İmperiyasının öndə gələn ailələrindən olan Şakir Paşa ailəsinin fitnə və sirlərlə dolu həyatlarından və münasibətlərdən bəhs edir.