Şabranda körpünün yaxınlığında yolun bir hissəsi uçub

“Şabran rayonunda yolun bir hissəsinin tamamilə uçması Düzbilici kəndi ərazisində baş verib”.

presstvaz  bildirir ki, bu barədə Azərbaycan Avtomobil Yolları Dövlət Agentliyinin (AAYDA) Mətbuat Xidmətinin rəhbəri Anar Nəcəfli Oxu.az-a açıqlamasında məlumat verib.

“Sel suları nəticəsində körpünün yanaşma yolunun bir hissəsi uçub və nəticədə körpüdə təhlükəli vəziyyət yaranıb. Hazırda yaranmış vəziyyətlə əlaqədar körpüdə nəqliyyatın hərəkəti məhdudlaşdırılıb”, – deyə A. Nəcəfli bildirib.

17:55

Ölkə ərazisində güclü yağışla müşayiət olunan hava şəraiti yollarda müxtəlif dağıntılar törədib.

presstvaz xəbər verir ki, yağışın yaratdığı sel Şabran rayonunda yolun bir hissəsini tamamilə uçurub.

Hadisə ilə bağlı daha ətraflı məlumat almaq üçün aidiyyəti qurumla əlaqə saxlamaq mümkün olmayıb.