“Rembo: İlk qan” filminin rejissoru ÖLDÜ

Məşhur “Rembo: İlk qan” (1982) filminin rejissoru Ted Kotçeff 94 yaşında vəfat edib.

presstvaz-ın xəbərinə görə, bu barədə “The Globe and Mail” nəşri yazıb.

Kotçeff 1931-ci ildə Torontoda Bolqarıstandan olan qaçqın ailəsində anadan olub. Kollecdən sonra gələcək rejissor Kanada Teleradioyayım korporasiyasında çalışıb, daha sonra İngiltərəyə köçüb və burada “ABC Weekend TV”də işləyib.

Onun məşhur Hollivud aktyoru Silvestr Stallonenin baş rolda oynadığı “Rembo: İlk qan” filmi 15 milyon dollarlıq büdcə ilə dünya üzrə 160.3 milyon dollar gəlir əldə edib. Vyetnam müharibəsi veteranı haqqında sonrakı filmlərin yaradılmasında Kotçeff iştirak etməyib.

Bundan əlavə, Kotçeffin “Daddi Kravitsin şagirdliyi” (1974) filmi kommersiya baxımından ingilis dilində ən uğurlu Kanada filmi olub və Kanadada 2.3 milyon dollar əldə edib. Film bir neçə “Oskar” mükafatına namizəd göstərilib və Berlin Film Festivalında “Qızıl ayı” mükafatını qazanıb.