Superkompüter UEFA Çempionlar Liqasının qalibi olacaq komandanı açıqladı

“Arsenal”ın UEFA Çempionlar Liqasının qalibi olacağı gözlənilir. Onun turniri qazanmaq şansı 28.4 faizə bərabərdir.

presstvaz “Opta”ya istinadən xəbər verir ki, “Arsenal” indi kubok qaldırmaq üçün favorit hesab olunur. Mikel Artetanın komandası indi simulyasiyaların yarısından çoxunda (54.2%) finala çıxır. Analitiklər “İnter”in də şansını yüksək qiymətləndiriblər.

“Bavariya” üzərində 2:1 hesablı qələbəsi sayəsində “İnter” üçüncü favorit mövqeyinə yüksəlib və 21.1% şansa malikdir, “Barselona” isə 22.4%-lə ikinci yerdədir.

“Topçular”ın darmadağın etdiyi “Real Madrid”in Avropanın ali klub turnirini qazanma şansı cəmi 1.1 faizdir. Təhlilçilər xatırladıblar ki, “Kral” klubu heç vaxt 3:0 hesablı ilk oyun məğlubiyyətindən sonra geridönüş edə bilməyib.

Qeyd edək ki, model hər matçın nəticəsinin (qələbə, heç-heçə və ya məğlubiyyət) ehtimalını mərc bazarının əmsallarından və “Opta Power Rankings”dən istifadə edərək hesablayır. Əmsallar və reytinqlər komandaların tarixi və son dövrlərdəki çıxışlarına əsaslanır. Hər komanda üçün yekun proqnoz əldə etmək məqsədilə yarışın bütövlükdə 10 000 dəfə simulyasiyası aparılır.