Qərbi Azərbaycan İcması QH Parlament Şəbəkəsinə ədalətli mövqeyə görə təşəkkür edib

Qərbi Azərbaycan İcması (QAİ) Qoşulmama Hərəkatının (QH) Parlament Şəbəkəsinə ədalətli mövqeyə görə təşəkkür edib.

presstvaz xəbər verir ki, bu barədə QAİ bəyanat yayıb:

Bildirilib ki, Qərbi azərbaycanlıların qayıdış hüququna beynəlxalq dəstəyin əldə edilməsi istiqamətində növbəti mühüm uğur əldə edilib:

“QH Parlament Şəbəkəsinin (PŞ) 6 aprel 2025-ci il tarixində Özbəkistan Respublikasının paytaxtı Daşkənd şəhərində keçirilmiş IV konfransında qəbul edilmiş bəyannamədə QAİ-nin öz yurdlarına sülh yolu ilə, təhlükəsiz və ləyaqətli şəkildə qayıdış səylərinə dəstək ifadə olunub.

QH PŞ-nin bu qərarı bütövlükdə Qoşulmama Hərəkatının, o cümlədən, onun Parlament Şəbəkəsinin Bandunq Prinsiplərinə sadiqliyini və Qərbi Azərbaycana qayıdışın beynəlxalq sülh və ədalətə xidmət edən mövzu kimi qəbul edilməsini bir daha göstərir.

QAİ sərgilədiyi ədalətli mövqeyə görə QH PŞ-yə sədrlik edən Azərbaycan Respublikasının Milli Məclisinə təşəkkür edir”.