Trampın rüsumları arvadının xərclərini artıracaq

ABŞ-nin birinci xanımı Melaniya Tramp avropalı dizaynerlərin geyim və ayaqqabılarını xoşlayır, onun qarderobu “Christian Louboutin”, “Manolo Blahnik”, “Christian Dior”, “Dolce & Gabbana”, “Burberry” və digər lüks brendlərin əşyaları ilə doludur. Lakin jurnalistlərin hesablamalarına görə, ABŞ-nin yeni tariflərinin tətbiqindən sonra o, bu dəbdəbəyə daha çox pul xərcləməli olacaq.

presstvaz xəbər verir ki, tsn.ua M.Trampın xərclərinin nə qədər artacağını hesablayıb.

M.Tramp hələ 2024-cü ilin oktyabrında “Dolce & Gabbana”dan geyindiyi paltarın indi qiyməti 6 459 dollardır, lakin ABŞ-nin yeni rüsumları onun dəyərini 7 914 dollaradək arıracaq.

Onun cari ilin fevralında eyni brenddən geyindiyi köynək hazırda 650 dollardır, amma 780 dollarədək bahalaşa bilər.

Birinci xanım keçən ilin noyabrında ictimaiyyət qarşısına “Dior”dan 4 300 dollarlıq kostyumla çıxmışdı. Onun qiyməti 6 160 dollara kimi qalxa bilər.

Britaniyanın “Burberry” brendinin əşyalarının 20 faizədək bahalaşma ehtimalı var.

Nəticədə M.Tramp qarderobundakı cəmi beş əşyaya əlavə 5 767 dollar xərcləməli olacaq.