Nikolas Keycin oğlu anasını döydüyünə görə cəzadan yayınıb

Nikolas Keycin oğlu Ueston anası Kristina Fultonu döydüyünə görə həbs cəzasından yayına bilib.

presstvaz xəbər verir ki, bu barədə “Daily Mail” məlumat yayıb.

Qeyd olunub ki, məhkəmə ulduzun varisinin müalicəyə ehtiyacı olduğuna qərar verib. Dinləmə zamanı 34 yaşlı musiqiçiyə iki illik psixi sağlamlıq reabilitasiyası proqramı təyin edilib.

“Ueston Keyc, həqiqətən də, müvafiq psixi pozğunluqdan əziyyət çəkir. Mən razıyam ki, bu, iddia edilən cinayətlərin törədilməsində mühüm amil olub. Aydındır ki, o, həmin vaxt əsəb gərginliyi keçirib”, – deyə hakim Enrike Monqiya bildirib.

Xatırladaq ki, Nikolas Keycin keçmiş sevgilisi və Uestonun anası hücumdan sonra ulduza və oğluna qarşı iddia qaldırıb. Ueston Kristinanı döyüb və onun üzündə izlər qalıb. Əvvəlcə Fulton onu məhkəməyə vermək istəməsə də, sonradan bu qərara gəlib.

Nikolas Keyc psixi pozğunluqdan əziyyət çəkən oğlu Uestonun rifahı ilə maraqlanmadığı üçün Kristina hadisənin baş verməsinə görə onun məsuliyyətə cəlb olunmasını tələb edib. Nəticədə məhkəmə aktyorun xeyrinə qərar verib.