Donald Tramp bir ildə sərvətini iki dəfə artırıb

ABŞ Prezidenti Donald Tramp öz sərvətini 2024-cü ildəki 2,3 milyard dollardan 2025-ci ildə 5,1 milyard dollara qədər artırıb.

presstvaz-ın xəbərinə görə, bu barədə ABŞ-nin “Forbes” jurnalı dünyanın ən varlı adamlarının 39-cu reytinqinə əsasən məlumat verib.

Jurnalın fikrincə, çox az milyarderə Donald Tramp qədər yaxşı il keçirmək qismət olub və təkcə ona görə yox ki, o, yenidən prezident seçilib, həmçinin kriptovalyutaya çox sərfəli investisiya qoymaqla Ağ Evə qayıtmazdan əvvəl pulqabısını doldurub.

Donald Trampın sərvətinin əsas hissəsi daşınmaz əmlak təşkil edir. O, həmçinin qolf meydançalarına, dəbdəbəli malikanələrə, şərab zavoduna, eləcə də “Trump Force One” kimi tanınan 1991-ci il buraxılışlı “Boeing 757-200” təyyarəsinə sahibdir.

Jurnalın siyahısına ümumi sərvəti rekord 16,1 trilyon dollar təşkil edən 3 000-dən çox insan daxil edilib. “Forbes”un qeyd etdiyi kimi, ilk dəfə üç nəfər 200 milyard dollardan çox sərvətə sahibdir.