Avtomobilləri üçün qeyri-orijinal şüşə alanlara XƏBƏRDARLIQ – VİDEO

Avtomobilləri üçün qeyri-orijinal şüşə alanlara XƏBƏRDARLIQ

Avtomobil üçün qeyri-orijinal şüşələrin alınması sərfəli həll kimi görünə bilər, lakin bu, bir çox gizli risklər daşıyır.

presstvaz Xəzər TV-yə istinadən bildirir ki, mütəxəssislər xəbərdarlıq edir.

Keyfiyyətsiz şüşələr asanlıqla zədələnir, çatlayır və qırılır. Hətta belə şüşələr görünüşü təhrif edən nahamarlıq və qüsurlara malik olur. Bu çatışmazlıqlar xüsusilə gecə və ya pis havada nəzərə çarpır: qarşıdan gələn avtomobillərin işıqları görünüşü məhdudlaşdıran effekt yarada bilər.

Avtomobil təmiri ilə məşğul olan Tural Rəhmanlı deyir ki, aşağı keyfiyyətli şüşələrin tez-tez dəyişdirilməsi zərurəti yaranır, bu isə təmir və ya dəyişdirmə üçün əlavə xərclərə səbəb olur.

Qiymətlərə gəldiksə isə müsahibimiz deyir ki, təxminən 150 manatdan 650 manata qədər avtomobil şüşələri mövcuddur. Məbləğ avtomobilin modelinə və şüşənin növünə görə dəyişir.

Daha ətraflı videomaterialı təqdim edirik.