BƏƏ-nin ən böyük neft emalı zavodu PUA hücumundan sonra fəaliyyətini dayandırdı – FOTO

Əbu-Dabinin Ər-Ruvays bölgəsində yerləşən Birləşmiş Ərəb Əmirliklərinin (BƏƏ) ən böyük neft emalı zavodu PUA hücumundan sonra baş verən yanğın səbəbindən fəaliyyətini dayandırıb.

presstvaz xəbər verir ki, bu barədə “Bloomberg” mənbələrinə istinadən məlumat yayıb.

Məlumata görə, hazırda zavoda dəyən ziyanın miqyası qiymətləndirilir.

Daha əvvəl yanğınsöndürənlərin Ər-Ruvays ərazisində başlayan yanğını söndürməyə başladığı barədə məlumat verilmişdi.

Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.

İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.

Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.

İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.