Qaradağda narkotik əməliyyatı: 10 kiloqrama yaxın zəhər dövriyyədən çıxarıldı

Sumqayıt sakini xarici narkotacirlə əlbir olub “kuryerlik” etdiyi üçün saxlanılıb

       Daxili İşlər Nazirliyinin (DİN) Mətbuat Xidmətindən  presstvaz-a daxil olan məlumata görə, Qaradağ Rayon Polis İdarəsinin 38-ci Polis Şöbəsinin əməkdaşları narkotik vasitələrin qanunsuz dövriyyəsinə qarşı növbəti əməliyyat tədbirini uğurla başa çatdırıblar.

Gizli ünvanlara çatdırılmalı olan “yük” ələ keçdi Daxil olmuş məlumat əsasında keçirilən əməliyyat nəticəsində Sumqayıt şəhər sakini, əvvəllər də analoji cinayət əməllərinə görə məhkum olunmuş 30 yaşlı Arzuman Əhmədov şübhəli şəxs qismində saxlanılıb. Onun üzərinə və əşyalarına baxış keçirilən zaman ümumi çəkisi 9 kiloqram 986 qram olan narkotik vasitə – marixuana aşkar edilərək maddi sübut kimi götürülüb.

       İran vətəndaşı ilə cinayət əlaqəsi İstintaq araşdırmaları zamanı müəyyən edilib ki, A.Əhmədov sosial şəbəkələr vasitəsilə şəxsiyyəti istintaqla araşdırılan İran vətəndaşı ilə cinayət əlaqəsinə girib. O, narkotik vasitələri qəbul edərək paytaxtın və ətraf rayonların müxtəlif ünvanlarında gizlətməyi (narkokuryerlik) və bunun müqabilində maddi qazanc əldə etməyi planlaşdırıb. Lakin polisin operativ müdaxiləsi onun bu planını alt-üst edib.

Həbs qətimkan tədbiri seçilib Faktla bağlı Qaradağ Rayon Polis İdarəsində cinayət işi başlanılıb. Məhkəmənin qərarı ilə Arzuman Əhmədov barəsində həbs qətimkan tədbiri seçilib. Hazırda narkotik şəbəkəsinin digər üzvlərinin və xaricdəki narkotacirlərin əlaqələrinin tam ifşası istiqamətində zəruri əməliyyat-istintaq tədbirləri davam etdirilir.

presstvaz  – Azərbaycanın etibarlı informasiya mənbəyi