Bakıda “nömrəsiz” motosikletlə avtoxuliqanlıq edən sürücü həbs olundu

Səid Zeynalovun sürücülük hüququ 2 illik məhdudlaşdırılıb

       Bakı Şəhər Baş Polis İdarəsinin Dövlət Yol Polisi (DYP) İdarəsindən presstvaz-a daxil olan məlumata görə, paytaxt yollarında hərəkət iştirakçılarının həyat və sağlamlığına ciddi təhlükə yaradan sürücüyə qarşı qətiyyətli tədbir görülüb.

Nömrəni gizlədib, qaydaları alt-üst etdi Əməliyyat zamanı 99-L-768 dövlət qeydiyyat nişanlı motosikletin sürücüsü Səid Zeynalov saxlanılıb. Araşdırmalar nəticəsində məlum olub ki, o, nəqliyyat vasitəsinin nömrəsini qəsdən gizlədərək yol hərəkəti qaydalarını kobud şəkildə pozub və avtoxuliqanlıq hərəkətləri edib.

presstvaz  xəbər verir ki, bu, sürücünün ilk intizamsızlığı deyil. Belə ki, S.Zeynalov bir müddət əvvəl də bənzər əməllərə görə inzibati məsuliyyətə cəlb olunubmuş. Təkrar törədilən bu xəta onun barəsində daha ciddi cəza tədbirinin görülməsini qaçılmaz edib.

Məhkəmədən sərt qərar: 30 sutka həbs Sürücü barəsində Azərbaycan Respublikasının İnzibati Xətalar Məcəlləsinin müvafiq maddələrinə əsasən protokol tərtib edilərək məhkəməyə göndərilib. Məhkəmənin qərarı ilə:

• Səid Zeynalovun nəqliyyat vasitəsini idarəetmə hüququ 2 il müddətinə məhdudlaşdırılıb;

• O, 30 sutka müddətinə inzibati qaydada həbs edilib.

DYP bir daha sürücüləri yol qaydalarına ciddi əməl etməyə və digər hərəkət iştirakçılarının təhlükəsizliyini riskə

atmamağa çağırır.

 presstvaz  – Azərbaycanın etibarlı informasiya mənbəyi