Əsgərlikdən yayındırmaq, işə düzəltmək vədləri ilə xeyli pul mənimsədi, ağır cəza aldı

Fev 17, 2026 20:39 (UTC +04:00)

presstv

"Presstv"az #Araşdırma, #Audi, #Bakı, #Bakı Ağır Cinayətlər Məhkəməsi, #Cinayət işi, #Hakim, #Soyuducu, #Vəzifə

Son xəbərlər, Azərbaycanda və Dünyada ən aktual hadisələr "Presstv".az Azərbaycan Xəbər Portalı “Global Media Group”a daxil olan "Presstv".az Azərbaycan xəbər portalı 2023-cü ilin 16 Oktyabr- dan fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir. "Presstv".az 24 saat ərzində, Azərbaycan Türk Rus və İnglis dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün "Presstv".az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.

Bakı Ağır Cinayətlər Məhkəməsində dələduzluq əməlində ittiham olunan Kamil Musayevin cinayət işi üzrə araşdırma yekunlaşıb.

presstvaz Pravda.az-a istinadən xəbər verir ki, hakim Səbinə Məmmədzadənin sədrliyi ilə baş tutan prosesdə yekun qərar elan edilib.

Məhkəmənin çıxardığı hökmə əsasən, o, 8 il müddətinə azadlıqdan məhrum olunub.

İttiham aktına görə, təqsirləndirilən şəxs etibardan sui-istifadə etmə və aldatma yolu ilə başqasının əmlakını ələ keçirməklə xeyli və külli miqdarda ziyan vurmaqda, eləcə də təkrar dələduzluq törətməkdə günahlandırılır.

Kamil Musayev birinci epizodda 2024-cü ilin oktyabr ayının əvvəllərində zərərçəkmiş T.T.-ni nəvəsinin xəstəliyi səbəbindən hərbi xidmətdən saxladılacağına dair yalan vədlə aldadıb. Bu məqsədlə ondan ümumilikdə 8 100 manat alaraq mənimsəyib.

İttihamda qeyd olunur ki, Kamil Musayev növbəti epizod üzrə 2024-cü ilin noyabr ayında tanışı, zərərçəkmiş A.A.-ya özünü və həyat yoldaşını işə düzəldəcəyi barədə yalan vəd verib. Ondan müxtəlif vaxtlarda və yerlərdə hissə-hissə olmaqla ümumilikdə 15 500 manat pul alaraq, zərərçəkmişə ziyan vurub.

Bundan əlavə, istintaq materiallarına görə, Kamil Musayev təkrarən özgənin əmlakını ələ keçirmək niyyəti ilə zərərçəkmiş QSC-lərdən birinin satış menecerini və satışa nəzarət edən əməkdaşını aldadıb. O, hospitallardan birinin (MMC) direktoru vəzifəsində çalışan qardaşı Famil Musayev vasitəsilə TƏBİB-in tabeliyindəki tibb müəssisələrinə müxtəlif məişət avadanlıqları və dəftərxana ləvazimatları satmaq imkanının olduğunu, alınan malların pulunu 2025-ci ilin aprel ayınadək ödəyəcəyini deyib. Bu yalan vədlər əsasında 2025-ci ilin yanvar-fevral ayları ərzində zərərçəkmiş QSC-nin anbarından ümumilikdə 109 196.551 manat dəyərində müxtəlif məhsullar – minlərlə bağlama A4 və A3 formatlı kağız, yüzlərlə rulon kassa kağızı, “Quicks” markalı televizor və 25 ədəd soyuducu – götürərək mənimsəyib.

Beləliklə, ittihama əsasən, təqsirləndirilən şəxs vahid niyyətlə və təkrar olaraq dələduzluq cinayətləri törədib.

Məhkəmə baxışı zamanı ifadə verən Kamil Musayev ona qarşı Cinayət Məcəlləsinin 178.3.2-ci maddəsi ilə irəli sürülmüş ittiham üzrə özünü qismən təqsirli bildiyini qeyd edib.