Ağsuda narkotik əməliyyatı: 9 kiloqram narkotiki paytaxta gətirmək istəyən şəxs saxlanıldı

Ağsu Rayon Polis Şöbəsinin əməkdaşları iri partiyanın dövriyyəyə buraxılmasının qarşısını alıb

       Ağsu Rayon Polis Şöbəsinin Mətbuat Xidmətindən presstvaz-a daxil olan məlumata görə, narkotik vasitələrin satışı və qanunsuz dövriyyəsinə qarşı keçirilən növbəti uğurlu əməliyyat tədbiri nəticəsində külli miqdarda narkotik vasitə dövriyyədən çıxarılıb.

Əvvəllər məhkum olunmuş şəxs yaxalandı Polis əməkdaşları tərəfindən keçirilən əməliyyat zamanı əvvəllər də məhkumluq həyatı yaşamış 29 yaşlı Orxan Niftullayev şübhəli şəxs qismində saxlanılıb. presstvaz  xəbər verir ki, baxış zamanı ondan ümumi çəkisi 9 kiloqrama yaxın marixuana və həşiş aşkarlanaraq maddi sübut kimi götürülüb.

       Narkotiki Bakıya çatdırmaq istəyirmiş Saxlanılan şəxs ilkin ifadəsində törətdiyi əməli etiraf edərək bildirib ki, narkotik vasitələri satış məqsədilə əldə edib və onları paytaxt Bakıya apararaq orada reallaşdırmaq niyyətində olub. Lakin polisin çevikliyi sayəsində bu planın qarşısı vaxtında alınıb.

Faktla bağlı Ağsu RPŞ-də cinayət işi başlanılıb, araşdırmalar davam etdirilir. Məhkəmənin qərarı ilə O.Niftullayev barəsində həbs qətimkan tədbiri seçilib.

presstvaz  – Azərbaycanın etibarlı informasiya mənbəyi