Polisdən qanunsuz silahlara qarşı silsilə əməliyyat: Avtomat və qumbaralar ələ keçirildi

DİN-in Mətbuat Xidməti həftəsonu götürülən silah-sursatın siyahısını açıqladı

        Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, respublika ərazisində qanunsuz saxlanılan odlu silah-sursatın aşkar olunaraq götürülməsi istiqamətində profilaktik və əməliyyat tədbirləri qətiyyətlə davam etdirilir.

Fevralın 14-ü və 15-də polis əməkdaşları tərəfindən paytaxtda və respublikanın müxtəlif rayonlarında keçirilən tədbirlər zamanı xeyli sayda döyüş sursatı və odlu silah dövriyyədən çıxarılıb. presstvaz  xəbər verir ki, cəmi iki gün ərzində polis tərəfindən aşağıdakılar aşkar edilərək götürülüb:

• 2 avtomat silahı;

• 1 tapança;

• 5 qumbara;

• 23 tüfəng;

• 3 patron darağı;

• 258 ədəd müxtəlif çaplı patron.

Daxili İşlər Nazirliyi tərəfindən vətəndaşların təhlükəsizliyinin təmini məqsədilə qanunsuz silahların yığılması istiqamətində tədbirlər fasiləsiz olaraq davam etdirilir.

presstvaz  – Azərbaycanın etibarlı informasiya mənbəyi