Azərbaycan polisindən həftəsonu əməliyyatı: 100-dən çox cinayətin üstü açıldı

DİN-in Mətbuat Xidməti son iki günün cinayət xronikasını açıqladı

         Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, fevralın 14-ü və 15-də ölkə ərazisində cinayətkarlıqla mübarizə, ictimai asayişin qorunması və təhlükəsizliyin təmini istiqamətində həyata keçirilən əməliyyat tədbirləri uğurla nəticələnib.

Cinayətlərin açılması və saxlanılan şəxslər Polis əməkdaşlarının peşəkarlığı sayəsində son iki gündə qeydə alınan 104, eləcə də əvvəlki dövrlərdən bağlı qalan 4 cinayətin açılması təmin edilib.

• Axtarışda olduğuna görə ümumilikdə 62 nəfər, o cümlədən borclu şəxs qismində axtarılan 34 nəfər saxlanılıb;

• Cinayət törətməkdə şübhəli bilinən daha 91 nəfər ədalət mühakiməsinə təslim edilib;

• Dələduzluq əməllərinə görə axtarışda olan 10 nəfər saxlanılaraq istintaqa təhvil verilib.

Silah-sursat və narkotiklərlə bağlı faktlar presstvaz  xəbər verir ki, hesabat dövründə narkotiklərlə əlaqəli 61 fakt müəyyən edilib. Eyni zamanda, qanunsuz saxlanılan silah-sursatın götürülməsi və aşkarlanması ilə bağlı 23 fakt üzrə polis tərəfindən zəruri tədbirlər görülüb.

            İtkin düşən 15 nəfər tapılıb Həyata keçirilən axtarış tədbirləri nəticəsində, ailə üzvlərini məlumatlandırmadan yaşadıqları ünvanı tərk etdikləri üçün itkin düşmüş kimi axtarılan 15 nəfər tapılaraq aidiyyəti üzrə təhvil verilib.

Daxili İşlər Nazirliyi tərəfindən cinayətkarlıqla qətiyyətli mübarizə və profilaktik tədbirlər fasiləsiz olaraq davam etdirilir.

presstvaz   – Azərbaycanın etibarlı informasiya mənbəyi