Sumqayıtda 11 500 manatlıq dələduzluq: 68 yaşlı şəxs saxlanıldı

Vətəndaşı “işə düzəltmək” vədi ilə aldadan şəxs polis tərəfindən ifşa olunub

          Daxili İşlər Nazirliyinin (DİN) Mətbuat Xidmətindən presstvaz-a verilən məlumata görə, Sumqayıt şəhərində vətəndaşın etibarından sui-istifadə edərək onun külli miqdarda vəsaitini mənimsəyən şəxs saxlanılıb.

İnanıb 11 500 manat pul verib Zərərçəkmiş şəxs polisə müraciət edərək bildirib ki, əvvəlcədən tanıdığı şəxs onu “işə düzəltmək” adı altında aldadaraq 11 500 manat pulunu ələ keçirib. Vəd verilən işin baş tutmadığını və pulunun geri qaytarılmadığını görən vətəndaş hüquq-mühafizə orqanlarından kömək istəyib.

           Polis əməliyyatı: 68 yaşlı şübhəli saxlanılıb presstvaz xəbər verir ki, Sumqayıt Şəhər Polis İdarəsinin 4-cü Polis Bölməsinin əməkdaşları tərəfindən dərhal keçirilən əməliyyat-axtarış tədbirləri nəticəsində dələduzluq əməlini törətməkdə şübhəli bilinən 68 yaşlı C.Əhmədov müəyyən edilərək saxlanılıb.

Faktla bağlı Sumqayıt Şəhər Polis İdarəsində araşdırmalar davam etdirilir. Saxlanılan şəxsin əməlindən zərər çəkmiş digər vətəndaşların olub-olmaması araşdırılır.

presstvaz    – Azərbaycanın etibarlı informasiya mənbəyi