Ağcabədidə narkotik əməliyyatı: 7 kiloqram marixuana dövriyyədən çıxarıldı

Polis narkotikləri yarımtikilidə gizlədən keçmiş məhkumu yaxaladı

       Daxili İşlər Nazirliyinin (DİN) Mətbuat Xidmətinin Bərdə regional qrupundan presstvaz-a verilən məlumata görə, Ağcabədi Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı növbəti uğurlu əməliyyat tədbiri həyata keçiriblər.

Narkotik anbarı aşkar edildi Daxil olmuş məlumat əsasında keçirilən əməliyyat-axtarış tədbirləri nəticəsində, narkotik vasitələrin qanunsuz dövriyyəsində şübhəli bilinən, əvvəllər də eyni növ əməllərə görə məhkum olunmuş İntiqam Ağayev saxlanılıb.

       presstvaz xəbər verir ki, polis əməkdaşları tərəfindən saxlanılan şəxsin üzərinə və narkotik vasitələri gizlətdiyi yarımtikiliyə baxış keçirilib. Axtarış zamanı oradan ümumi çəkisi 7 kiloqramdan artıq olan qurudulmuş marixuana aşkar edilərək maddi sübut kimi götürülüb.

İstintaq davam edir Faktla bağlı Ağcabədi Rayon Polis Şöbəsində cinayət işi başlanılıb. Məhkəmənin qərarı ilə İ.Ağayev barəsində həbs qətimkan tədbiri seçilib. Hazırda narkotik vasitənin mənbəyinin müəyyən edilməsi istiqamətində zəruri istintaq-əməliyyat tədbirləri davam etdirilir.

presstvaz  – Azərbaycanın etibarlı informasiya mənbəyi

1