Bakı DYP-dən sürücülərə təcili müraciət: Aeroport yolu bağlanır (Alternativ Marşrutlar)

Paytaxtın əsas magistralında hərəkət istiqaməti dəyişdirilir – SƏBƏB

       Bakı Şəhər Dövlət Yol Polisi (DYP) İdarəsindən presstvaz-a daxil olan məraciətdə bildirilir ki, 14-15 fevral tarixlərində Suraxanı rayonu, Hava limanı şosesində (“Buta Palace” yaxınlığı) mühüm texniki işlər həyata keçiriləcək. Yoldakı elektron məlumat-sürət tablolarının yenilənməsi məqsədilə nəqliyyat vasitələrinin hərəkətinə məhdudiyyət tətbiq olunacaq.

Məhdudiyyət tətbiq ediləcək vaxt və istiqamətlər:

presstvaz xəbər verir ki, sürücülər aşağıdakı qrafiki nəzərə almalıdırlar:

• 14 fevral (00:00 – 07:00): Hava limanı körpüsündən “Koroğlu” metrostansiyası istiqamətində yol bağlanacaq.

• 15 fevral (00:00 – 07:00): “Koroğlu” metrostansiyasından (Suraxanı dairəsi üzərindəki körpüdən) Hava limanı istiqamətində hərəkət məhdudlaşdırılacaq.

Sürücülər üçün alternativ yollar:

DYP əməkdaşları tərəfindən hərəkət iştirakçıları aşağıdakı alternativ marşrutlara yönləndiriləcək:

1. Mərdəkan şosesindən gələnlər: Zığ şosesinə;

2. Şəhər istiqamətindən gələnlər: Suraxanı rayonu, Xanlar Ələkbərov və 14 İyul küçələrinə;

3. Əlavə alternativ: Sürücülər şəhərdən Hava limanı istiqamətinə 8 Noyabr prospektindən Zığ yoluna keçməklə hərəkət edə bilərlər.

ÖNƏMLİ QEYD: Qeyd olunan saatlarda ərazidə DYP əməkdaşları xidmət apararaq sürücülərin təhlükəsiz və maneəsiz hərəkətini təmin edəcəklər.

Sürücülərdən xahiş olunur ki, qeyd olunan tarixlərdə hərəkət marşrutlarını öncədən planlaşdırsınlar və yol polisinin işarələrinə mütləq əməl etsinlər.

presstvaz  – Azərbaycanın etibarlı informasiya mənbəyi