İtkin düşmüş şəxslər tapılaraq ailələrinə təhvil verildi

Dələduzluğa görə axtarışda olan şəxslər saxlanıldı

          DİN-dən presstvaz-a daxil olan məlumata əsasən, yanvarın 31-də və fevralın 1-də polis əməkdaşlarının keçirdikləri tədbirlərlə ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 10 nəfər tapılaraq aidiyyəti üzrə təhvil verilib.

 Polis əməkdaşlarının yanvarın 31-də və fevralın 1-də keçirdikləri əməliyyat tədbirləri ilə dələduzluğa görə axtarışda olan 21 nəfər saxlanılaraq istintaqa təhvil verilib.

           Polis əməkdaşlarının keçirdikləri əməliyyat tədbirləri ilə yanvarın 31-də və fevralın 1-də ümumi çəkisi 21,3 kiloqramdan artıq narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir.

 Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Həmin tarixlərdə polis əməkdaşları paytaxt və respublikanın ayrı-ayrı rayonlarında 6 avtomat silahı, 11 tüfəng, 15 patron darağı, 252 ədəd müxtəlif çaplı patron və 48 mərmi aşkar edərək götürüblər.

presstvaz   – Azərbaycanın etibarlı informasiya mənbəyi