"YouTube" milyonlarla abunəçisi olan kanalları sildi

"YouTube" süni intellektlə hazırlanmış aşağı keyfiyyətli məzmunla mübarizə çərçivəsində bir neçə məşhur kanalı eyni vaxtda platformadan silib.

presstvaz xəbə verir ki,  onlayn video montaj platforması Kapwing-in yeni hesabatı göstərir ki, "Google"a məxsus "YouTube" 2026-cı ilin əvvəlində ümumilikdə 4,7 milyard baxışa malik süni intellekt yönümlü videoları silib.

Hesabata əsasən, "YouTube" ən çox abunəçiyə sahib 100 süni intellekt kanalından 16-nı platformadan tamamilə silib və ya onların bütün məzmununu deaktiv edib. Bu kanallar birlikdə 35 milyondan çox abunəçiyə malik olub və illik təxminən 10 milyon dollar gəlir əldə edirdilər.

Məlumata görə, YouTube bu kanalları aşkarlamaq üçün əsasən ənənəvi spam müəyyən etmə mexanizmlərindən istifadə edib. Platforma bir tərəfdən yeni süni intellekt əsaslı redaktə və generasiya alətlərini təqdim etsə də, digər tərəfdən keyfiyyətsiz və kütləvi şəkildə yaradılan AI məzmununun yayılmasını məhdudlaşdıracağını açıqlayıb.