Maşın almaq adı ilə gəldiyi evdən oğurluq edən şəxs saxlanılıb

Sabunçu rayonunda dələduzluq və oğurluq faktı

          Daxili İşlər Nazirliyinin rəsmi mənbələrindən presstvaz-a daxil olan məlumata əsasən, Sabunçu rayonu ərazisində bir nəfər polisə müraciət edərək oğurluq hadisəsi ilə üzləşdiyini bildirib.

Belə ki, zərərçəkən avtomobilini satmaq məqsədilə alıcı qismində gələn şəxsi evinə dəvət edib. Danışıqlar zamanı otaqdan çıxdığı anda həmin şəxs onun mobil telefonunu, qızıl-zinət əşyalarını və sənədlərini oğurlayıb. Daha sonra zərərçəkənə zəng edərək taladığı əşyaları geri qaytaracağını desə də, vədinə əməl etməyərək oğurlanan əşyaları satıb.

         Sabunçu Rayon Polis İdarəsinin 15-ci Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən, əvvəllər oğurluq və narkotiklə əlaqəli cinayətlərə görə məhkum olunmuş 50 yaşlı E.Hüseynov müəyyən edilərək saxlanılıb.

Faktla bağlı araşdırmalar davam etdirilir.

presstvaz  – Azərbaycanın etibarlı informasiya mənbəyi