Tramp onu xəstə adlandırdı

ABŞ prezidenti Donald Tramp İranın 37 illik rəhbəri Ayətullah Əli Xameneinin hakimiyyətinə son qoyulmalı olduğunu bildirib.

presstvaz xəbər verir ki, Tramp son üç həftədə ölkə üzrə minlərlə etirazçının öldüyünü xatırladaraq, ölkə rəhbərliyini hərbi müdaxilə ilə hədələdiyini qeyd edib.

Tramp əvvəlcə iranlıları etirazları davam etdirməyə çağırdığını, lakin sonradan qətllərin dayandırılması barədə məlumat aldığını söyləyib. O, Əli Xameneinin 800-dən çox şəxsin edam edilməsini ləğv etməsini "ən yaxşı qərar" adlandırıb və bildirib ki, İran zorakılıq və repressiya ilə idarə olunur, minlərlə insan həyatını itirir. O vurğulayıb ki, liderlik qorxu və ölümlə yox, hörmətlə olmalıdır.

"Bu adam xəstədir. O, ölkəsini düzgün idarə etməlidir və insanları öldürməyi dayandırmalıdır. Onun ölkəsi insanların yaşaması üçün dünyanın ən pis yeridir. Çünki liderlik zəifdir", – deyə D.Tramp əlavə edib.

Öz növbəsində Əli Xamenei ölkədə iqtisadi durumun çətin olduğunu etiraf edib və dövlət məmurlarını vəzifələrini daha ciddi yerinə yetirməyə, əsas ərzaq və məhsulların çatdırılmasını təmin etməyə çağırıb.