Yardımlının bəzi kəndlərində İŞIQ PROBLEMİ: Güclü qar xətlərdə qırılmalara səbəb olub

Yardımlı rayonunun bir neçə kəndində elektrik enerjisinin verilməsində fasilə müşahidə olunur.

presstvaz   Oxu.az-a istinadən  bildirilib ki, güclü qar yağması səbəbindən bəzi elektrik xətlərində qırılmalar baş verib.

Müraciətdə qeyd olunub ki, yolların bağlı olması işləri bir az da çətinləşdirir.

“Qar bütün kənd yollarını tutub. Yolları gəlib açan yoxdur ki, ərazidəki işıq idarəsi işini görə bilsin”, – deyə müraciətdə bildirilib.

“Azərişıq”ASC-dən presstvaz-ın sorğusuna cavab olaraq bildirilib ki, hazırda qurumun qəza xidməti əməkdaşları ərazidə iş başındadırlar.

Hazırda Yardımlı rayonun Zevin kəndi istiqamətində 10 min kVt-luq xəttimizdə qəza var. Bu səbəbdən Zevin kəndi istiqamətində olan üç kiçik dağ kəndində işıq yoxdur. Xəttin bərpa olunması üçün yolun açılması işləri görülməlidir. Qəza xidmətlərimizin əməkdaşları iş başındadırlar və maksimum dərəcədə tez bir zamanda yolu açıb yaranmış problemi həll edəcəyik. Yol açılan kimi dərhal həmin qəza da aradan qaldırılacaq, gün ərzində elektrik enerjisinin verilişi təmin olunacaq”, – deyə məlumatda bildirilir.