Yanvarın 16-da ölkə üzrə onlarla cinayət açıldı: narkotik, silah və axtarışda olan şəxslər saxlanıldı

DİN-in məlumatı: Bir gündə 58 cinayət açıldı, 12 kiloqrama yaxın narkotik aşkarlanıb

       Daxili İşlər Nazirliyinin rəsmi mənbələrindən presstvaz-a daxil olan məlumata əsasən, yanvarın 16-da ölkə ərazisində polis əməkdaşları tərəfindən həyata keçirilən əməliyyat və profilaktik tədbirlər nəticəsində mühüm nəticələr əldə olunub.

Belə ki, ötən gün ərzində qeydə alınan 58 cinayətin, eləcə də əvvəlki dövrlərdən bağlı qalan 1 cinayətin açılması təmin edilib. Axtarışda olduğuna görə ümumilikdə 126 nəfər, o cümlədən borclu şəxs qismində axtarışda olan 100 nəfər saxlanılaraq aidiyyəti üzrə təhvil verilib.

       Həyata keçirilən tədbirlərlə narkotiklərlə əlaqəli 31 fakt, qanunsuz saxlanılan silah-sursatın aşkarlanması və götürülməsi ilə bağlı isə 25 fakt müəyyən edilib. Cinayət törətməkdə şübhəli bilinən 53 nəfər saxlanılıb.

Eyni zamanda, yanvarın 16-da ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışı aparılan 7 nəfər tapılaraq aidiyyəti üzrə təhvil verilib. Polis əməkdaşlarının keçirdikləri əməliyyat tədbirləri nəticəsində dələduzluğa görə axtarışda olan 9 nəfər də saxlanılaraq istintaqa təhvil verilib.

       Narkotiklərlə mübarizə tədbirləri çərçivəsində isə ümumi çəkisi 12,1 kiloqrama yaxın narkotik vasitə aşkar edilərək götürülüb. Bu istiqamətdə qətiyyətli mübarizə tədbirlərinin davam etdirildiyi bildirilir.

Bununla yanaşı, Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunması məqsədilə keçirilən tədbirlər nəticəsində paytaxt və respublikanın ayrı-ayrı rayonlarında 9 avtomat silahı, 20 tüfəng, 6 patron darağı və 475 ədəd müxtəlif çaplı patron aşkarlanaraq götürülüb.

       Daxili İşlər Nazirliyi tərəfindən ictimai təhlükəsizliyin təmin olunması, cinayətkarlığa qarşı mübarizə istiqamətində tədbirlərin ardıcıl və qətiyyətlə davam etdirildiyi vurğulanır.

presstvaz – Azərbaycanın etibarlı informasiya mənbəyi