Zehni işlə məşğul olanların NƏZƏRİNƏ

Zehni işlə məşğul olan insanların gündə iki-üç saat, fiziki işlə məşğul olanların isə bir-iki saat istirahətə ehtiyacları var.

presstvaz xəbər verir ki, bu barədə Seçenov Universitetinin həkimi Aleksey Kovalenko “RİA Novosti”yə açıqlamasında bildirib.

“Məsələn, bir insan ofisdə işləyirsə və zehni fəaliyyəti üstünlük təşkil edirsə, bu, gündə iki-üç saat istirahət etməli olduğunu göstərir”, – deyə həkim vurğulayıb.

O əlavə edib ki, rəhbərlər də xüsusilə aktiv dövrlərdə gündə üç-dörd saat istirahətə ehtiyac duya bilərlər.

Fiziki işlə məşğul olan insanlar isə gündə bir-iki saat dincəlməlidirlər. Bunun səbəbi insan əzələlərinin mərkəzi sinir sistemindən daha səmərəli işləyə bilməsidir.

Kompüter arxasında oturub işləyərkən, və ya məsələn, kitab oxuyarkən bədənə saatda cəmi 50-75 kcal enerji lazımdır. Bu arada fiziki fəaliyyət zamanı məsələn, saatda 5 km sürətlə sürətli gəzinti vaxtı bədən saatda təxminən 250 kcal enerji sərf edir.