“iPhone 17” smartfonlarında qeyri-adi problem tapıldı

“iPhone 17 Pro” və “iPhone 17 Pro Max” modellərinin bəzi istifadəçiləri qeyri-adi problemlə üzləşiblər.

presstvaz “Dijitaltrend” nəşrinə istinadən xəbər verir ki, telefon enerji yığımı zamanı, ekran açıq olduqda, dinamiklərdən zəif xışıltı səsi eşidilə bilər.

İstifadəçilərin bildirdiklərinə görə, bu səs yalnız şarj qurğuya qoşulduqda yaranır – istər kabel vasitəsilə, istərsə də “MagSafe” simsiz enerji yığımı zamanı. Şarj kəsildikdə isə səs də yox olur.

Bəzi istifadəçilər cihazlarını zəmanət çərçivəsində dəyişiblər, lakin eyni problem bəzən yeni götürdükləri telefonlarda da ortaya çıxıb.

“Apple” mütəxəssisləri vəziyyətdən xəbərdardır və məsələni araşdırmaq üçün onu mühəndislərə ötürüblər. Əgər səbəb proqram təminatındakı nasazlıqdırsa (məsələn, enerji idarəetməsi və ya audio drayverlərlə bağlı), problem gələcək “İOS” yeniləməsi ilə aradan qaldırıla bilər. Əgər problem aparat hissəsi ilə bağlıdırsa, şirkətin pulsuz təmir və ya dəyişdirmə təklif edəcəyi gözlənilir.