Azərbaycan və Monteneqro xarici işlər nazirləri mətbuata bəyanatlarla çıxış edirlər

Azərbaycan və Monteneqro xarici işlər nazirləri Ceyhun Bayramovla Ervin İbrahimoviç mətbuata bəyanatlarla çıxış edirlər.

presstvaz xəbər verir ki, mətbuat konfransı Azərbaycan XİN-də təşkil olunub.

13:01

Azərbaycan Respublikası Xarici İşlər Nazirliyi ilə Monteneqro Xarici İşlər Nazirliyi arasında Konsulluq məsələləri üzrə Əməkdaşlıq haqqında Anlaşma Memorandumu imzalanıb.

presstvaz Azərbaycan XİN-in məlumatına istinadən xəbər verir ki, sənəd konsulluq sahəsində ikitərəfli əməkdaşlığı gücləndirməyi və vətəndaşlara göstərilən xidmətləri təkmilləşdirməyi hədəfləyir.

Azərbaycan və Monteneqro xarici işlər nazirləri Ceyhun Bayramovla Ervin İbrahimoviç arasında təkbətək görüş keçirilir.

presstvaz-ın xəbərinə görə, bu barədə Azərbaycan Respublikası Xarici İşlər Nazirliyi rəsmi “X” hesabında paylaşım edib.

“Hazırda Azərbaycan Respublikasının xarici işlər naziri Ceyhun Bayramovla Monteneqro Baş nazirinin beynəlxalq münasibətlər üzrə müavini və xarici işlər naziri Ervin İbrahimoviç arasında təkbətək görüş başlayıb”, – deyə paylaşımda bildirilib.