“ASG Helicopter Services” aviasiya və enerji bazarları üçün ilk “AW189” helikopterini təqdim edib

Xəzər dənizi regionunun ən müasir və texniki imkanlara malik helikopter operatorlarından biri olan “ASG Helicopter Services” özünün ilk ofşor (dəniz platformalarına enmə qabiliyyəti – red.) konfiqurasiyalı “AW189” helikopterinin təqdimatını elan etməkdən qürur duyur. Bu, şirkətin hava gəmiləri parkının genişləndirilməsi və ən son aviasiya həlləri ilə ofşor neft-qaz sektorunu dəstəkləmək öhdəliyində mühüm mərhələdir.

“Leonardo AW189” – uzunməsafəli ofşor nəqliyyat, axtarış və xilasetmə (SAR) və enerjiyönümlü tapşırıqlar üçün optimallaşdırılmış müasir nəsil, ikimühərrikli, super-medium sinifli helikopterdir. Onun qabaqcıl aviyonika sistemləri, geniş salonu və möhkəm performans xüsusiyyətləri ASG-nin ofşor qazma qurğuları, platformalar və enerji sektorunun uzaq obyektlərinə təhlükəsiz və səmərəli xidmət göstərmə qabiliyyətini artırır.

Bu təqdimat “ASG Helicopter Services” üçün yeni bir dövrü təmsil edir. AW189-un ofşor əməliyyatlarına inteqrasiyası neft, qaz və enerji sənayesində müştərilərimizin inkişaf edən tələblərini qarşılamamıza – təhlükəsizlik, etibarlılıq və əməliyyat performansı sahəsində ən yüksək standartları təmin etməyimizə – daha da güc qazandırır.

“AW189” vertolyotu ASG-nin mövcud müxtəlif-əsaslı parkını – o cümlədən “Sikorsky S-92A”, “AW139” və “AW109” modellərini – tamamlayır və mürəkkəb missiyaları həm quru, həm də ofşor rejimlərində dəstəkləmək üçün qabaqcıl texnologiyaya və dünya səviyyəli hava gəmilərinə sərmayə qoyma strategiyasını əks etdirir.

“AW189″un ofşor konfiqurasiyasının əsas üstünlükləri:

– Genişlənmiş ofşor imkanlar: uzaq məsafəli nəqliyyat, SAR dəstəyi və enerji infrastruktur missiyaları üçün xüsusi avadanlıqla təchiz olunub;

– Sərnişin və yük elastikliyi: missiya üçün kritik olan heyət və avadanlığı yerləşdirməyə imkan verən geniş salon;

– Təkmil təhlükəsizlik xüsusiyyətləri: sərt beynəlxalq tənzimləyici standartlara və ofşor çətin mühitlərinə cavab verən qabaqcıl aviyonika və sistemlər.

“ASG Helicopter Services” beynəlxalq aviasiya təhlükəsizliyi təcrübələrinə və müştəri gözləntilərinə uyğun gəlib-gəlməyini təmin edərək, parkın modernləşdirilməsinə sadiqliyini davam etdirir. “AW189″un təqdimatı ASG-yə Xəzər dənizi boyunca xidmət portfelini daha da genişləndirmək və gələcəkdə regional və qlobal bazarlarda əlavə imkanlar yaratmaq üçün güclü mövqe verir.

“ASG Helicopter Services” və “AW189″un təqdimatı haqqında daha ətraflı məlumat üçün:

https://www.asg-helicopters.az/

Təqdimatın keçirilməsi ilə bağlı reportajı saat 20:00-da Azərbaycan Dövlət Televiziyasında və saat 20:00-da “İctimai TV” kanallarının axşam xəbərləri buraxılışında izləyə bilərsiniz.