Tovuzda 14 yaşlı qızın anasından açıqlama: “Biz toy eləməmişik, başqa məclis idi”

Tovuz rayonunun Yuxarı Öysüzlü kəndində 2011-ci il təvəllüdlü qızın toy mərasiminin keçirilməsi ilə bağlı bəzi detallar məlum olub.

presstvaz “Teleqraf”a istinadən xəbər verir ki, 14 yaşlı qız altıncı sinifdən məktəbdən çıxıb. Qızın anası Elnarə Ələsgərovanın sözlərinə görə, onun məktəbdən çıxmasına səbəb maddi sıxıntı səbəbindən təhsil ala bilməməsidir.

Ananın sözlərinə görə, həmin gün toy mərasimi yox, “hə” mərasimi keçirilib: “Kafelərdən birində kiçik bir şənlik məclisi qurulub. Övladımı oxuda bilməmişəm, buna imkanımız olmadı”.

Məlumat üçün qeyd edək ki, E.Ələsgərova ikinci dəfə ailə həyatı qurub.

Qeyd edək ki, məhkəmənin qərarı ilə bir ay müddətinə inzibati qaydada həbs edilən şəxs 1992-ci il təvəllüdlü bəy – Firdovsi Abbasovun atası Fizuli Abbasovdur.

09:37

Tovuzda 14 yaşlı qızına toy edən şəxs ögey atası olub.

presstvaz APA-ya istinadən xəbər verir ki, saxlanılan ögey ata ikinci ailəsindən olan qızına toy edən zaman polis əməkdaşları tərəfindən qarşısı alınıb.

Hazırda araşdırma aparılır.

09:00

Tovuz rayonunda 14 yaşlı qızın ərə verilməsi ilə bağlı bəzi detallar məlum olub.

presstvaz-ın məlumatına görə, 2011-ci il təvəllüdlü qızın ailə quracağı şəxs ondan 19 yaş böyük olub.

14 yaşlı qız valideynləri tərəfindən 1992-ci il təvəllüdlü oğlana ərə getməyə məcbur edilib.

08:18

Tovuz Rayon Polis Şöbəsinə rayonunun Yuxarı Öysüzlü kəndində 2011-ci il təvəllüdlü qızın toy mərasiminin keçirilməsi barədə məlumat daxil olub.

presstvaz bildirir  ki, bu brədə Daxili İşlər Nazirliyinin Gəncə regional qrupundan   verilən məlumata görə, polis əməkdaşları tərəfindən həmin mərasimin qarşısı alınıb və tərəflərin valideynləri ərazi üzrə polis orqanına dəvət olunublar.

Onlarla profilaktik söhbətlər aparılıb, qanunvericiliyin tələbləri izah edilib və barələrində inzibati protokol tərtib edilərək məhkəməyə göndərilib.

Məhkəmənin qərarı ilə valideynlərdən biri bir ay müddətinə inzibati qaydada həbs edilib.