Azərbaycanın təhlükəsizlik sistemində mühüm mərhələ: DTX və XKX-in yaradılmasından 10 il ötür

Dek 14, 2025 14:12 (UTC +04:00)

Rəşad Cəfərli

"Presstv"az #Audi, #Azərbaycan, #Dövlət Təhlükəsizliyi Xidməti (DTX), #İlham Əliyev, #Rəşad CƏFƏRLİ

Son xəbərlər, Azərbaycanda və Dünyada ən aktual hadisələr "Presstv".az Azərbaycan Xəbər Portalı “Global Media Group”a daxil olan "Presstv".az Azərbaycan xəbər portalı 2023-cü ilin 16 Oktyabr- dan fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir. "Presstv".az 24 saat ərzində, Azərbaycan Türk Rus və İnglis dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün "Presstv".az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.

DTX və XKX – Azərbaycanın təhlükəsizlik strategiyasında onillik yol

Bu gün Azərbaycanda milli təhlükəsizlik sisteminin formalaşmasında mühüm rol oynayan Dövlət Təhlükəsizliyi Xidməti (DTX) və Xarici Kəşfiyyat Xidmətinin (XKX) yaradılmasının 10-cu ildönümü qeyd olunur.

presstvaz xatırladır ki, 2015-ci il dekabrın 14-də Prezident İlham Əliyevin imzaladığı müvafiq fərmanla ölkənin təhlükəsizlik idarəçiliyində yeni mərhələ başlanıb. Həmin fərmana əsasən, mövcud təhlükəsizlik strukturlarının funksional bölgüsü aparılıb və iki müstəqil, ixtisaslaşmış qurum – Dövlət Təhlükəsizliyi Xidməti və Xarici Kəşfiyyat Xidməti təsis edilib.

Yaradıldığı gündən etibarən Dövlət Təhlükəsizliyi Xidməti ölkə daxilində konstitusiya quruluşunun qorunması, terrorçuluq, ekstremizm, xarici xüsusi xidmət orqanlarının fəaliyyəti və digər təhlükəsizlik təhdidlərinə qarşı mübarizədə mühüm rol oynayıb. Xidmətin fəaliyyəti nəticəsində bir sıra təhlükəli cinayətlərin qarşısı vaxtında alınıb, dövlətçiliyə yönəlmiş təhdidlər zərərsizləşdirilib.

Xarici Kəşfiyyat Xidməti isə Azərbaycanın milli maraqlarının beynəlxalq müstəvidə qorunması, xarici risklərin qabaqlanması və strateji informasiya təminatının gücləndirilməsi istiqamətində fəaliyyət göstərir. XKX-in fəaliyyəti ölkənin xarici siyasət kursunun təhlükəsizlik baxımından dəstəklənməsində mühüm əhəmiyyət daşıyır.

Son 10 il ərzində hər iki qurumun fəaliyyəti müasir çağırışlara uyğun şəkildə təkmilləşdirilib, peşəkar kadr potensialı gücləndirilib, texniki və operativ imkanlar genişləndirilib. Xüsusilə regional və qlobal təhlükəsizlik mühitində baş verən proseslər fonunda bu xidmətlərin rolu daha da artıb.

Prezident İlham Əliyevin təhlükəsizlik sahəsinə xüsusi diqqəti nəticəsində DTX və XKX dövlət suverenliyinin, milli maraqların və ictimai sabitliyin etibarlı qorunmasında aparıcı institusional dayaqlara çevrilib.

Onillik fəaliyyət dövrü göstərir ki, bu qurumların yaradılması Azərbaycanın təhlükəsizlik strategiyasında düzgün və vaxtında atılmış addım olub.

Rəşad CƏFƏRLİ,

Presstv.az – Azərbaycan xəbər portalı

presstvaz – Azərbaycanın etibarlı informasiya mənbəyi.