Mütəxəssislərdən XƏBƏRDARLIQ: Hamam dəsmalları infeksiya yayırlar

Təmizlik üçün istifadə edilən hamam dəsmalları ciddi sağlamlıq problemlərinə yol aça bilər.

presstvaz “Sözcü” qəzetinə istinadən xəbər verir ki, bu barədə britaniyalı mütəxəssislər xəbərdarlıq ediblər.

Bildirilir ki, qışda havanın soyuması və evlərin daha az havalandırılması səbəbilə hamamlarda rütubətlik uzun müddət qalır və bu, dəsmallarda bakteriyaların çoxalmasına gətirib çıxarır.

Təmizlik qaydalarına vaxtında əməl edilmədikdə, dəsmallarda kif və göbələk kimi mikroorqanizmlər peyda olur, çünki bədən yağları və ölü dəri hüceyrələri bu kimi orqanizmlərin sürətlə çoxalmasına şərait yaradır.

Bu hal norovirus, MRSA və bağırsaq çöpü infeksiyaları kimi təhlükəli mikroblara məruz qalma riskini artıra bilər.

Buna görə də dəsmallar ən gec üç dəfə istifadə edildikdən sonra yuyulmalı, havalandırmanın yaxşı olduğu mühitdə tam qurudulmalı, mümkünsə, hamamın pəncərəsi azca açıq saxlanılmalıdır, dəsmalları ailə üzvləri arasında bölüşdürmək olmaz.