Ölmüş yaxınlarımızla "ünsiyyətə" keçmək mümkün olacaq – Yeni tətbiq yaradıldı

Ölmüş yaxınlarımızın süni intellekt avatarlarını yaratmağa imkan verən "2wai" adlı tətbiq yaradılıb.

presstvaz xəbər verir ki, tətbiqin reklamında, hamilə qadın öz ölmüş anasının rəqəmsal avatarı ilə danışır, nağıl oxuyur və gündəlik həyatını paylaşır. Videoda qadın anasının qısa səsyazmasını istifadə edərək avatar yaratmaq üçün üç dəqiqəlik bir video çəkir və reklamda "3 dəqiqə ilə əbədi davam edə bilər" mesajı verilir.

Sosial media istifadəçiləri və texnologiya şərhçiləri bu konsepsiyanı "obyektiv olaraq təsəvvür edilə bilən ən pis fikirlərdən biri" və "şeytani, vicdansız və insanlıqdan kənar" adlandırıb. Bir çoxları tətbiqin etik və emosional nəticələrini narahatlıq doğurucu hesab ediblər.

"2wai" tətbiqi iOS cihazları üçün "App Store"da əlçatandır və istifadəçilərə "HoloAvatar" adlandırılan virtual avatarlar yaratmağa imkan verir. Bu avatarlar real və ya uydurma şəxslərə bənzəmək üçün nəzərdə tutulub. Şirkət həmçinin tarixi şəxsiyyətlər və müxtəlif peşəkar personajlar üçün standart avatarlar təqdim edib.